兩兄弟咁有錢，老母有病住公立醫院

hkshrek

搵5千幾萬
歌神，連記者都5敢點寸佢

歌神許冠傑由04年復出至今，幾乎每年都開個唱，至今已賺逾半億。下月6日便61歲大壽的阿Sam，趁着自己大日子，再在9月4至6日在紅館開三場《難忘往日情》演唱會，每場收80萬，又穩袋240萬。
阿Sam如此搏命，其實用心良苦。近日其年邁母親穿腸後中風，現正入住公立醫院，加上屋企上下真正搵錢得阿Sam一人，難怪向來顧家的阿Sam趁市道回穩戮力搵番筆。

現年89歲的阿Sam母親，三周前因為十二指腸穿洞，由與她同住的二子許冠武送入附近的將軍澳醫院，經過手術後正在外科病房療養，連同手術費及住房費，每日費用僅百元。就母親病情，許冠武說：「阿媽病情幾反覆，醫生話佢仲有少少中風，所以需要睇緊啲，所以大家每日輪流探病。」
老婆日日探病
縱使許冠武指家人每日輪流探病，但記者連日來在晚上6時至8時的探病時間守候，一直不見歌神「蒲頭」，大多時間只是由其老婆琳寶、許冠文和許冠武等人代勞。據知現時阿Sam正忙於為個唱練歌綵排，幾乎每朝都會到其位於大埔的band房排練。早前有雜誌指阿Sam暴肥，狀態不佳，又拒開記招、拒拍廣告和海報，以至銷情一般，至今$480的貴價票仍未售罄。
記者問過今次演唱會市場總監Kenny，對於個唱安排，他說：「今次阿Sam唔會跳跳紥，反而會攞結他馬拉松式咁唱近50首歌。」此外阿Sam為了向多位已故歌星好友（梅艷芳、陳百強、黃家駒、羅文、鄧麗君及張國榮）致敬，將會唱多首他們的經典金曲，亦因此令他深感壓力，連探母都由太太代勞。「阿Sam呢排係咁練歌，好緊張，因為今次佢要唱人哋啲歌，以前從未試過，仲要一次過唱六個人嘅歌。」一位知情人士說。
許母嚷出院
記者本周二（18日）在將軍澳醫院病房門口發現琳寶與二伯許冠武再次到來探病，之後更在門外談論許老太情況。記者聽到其中內容，大意指許老太不肯進食，經常大鬧嚷着要出院，令許家上下十分煩惱。
當琳寶離開醫院時，記者上前問到許老太情況及為何要入住公立醫院，琳寶只是「呀」尖叫一聲，顯得十分驚訝，之後更用口罩遮面，跑回醫院着保安人員驅趕記者。
本周三（19日）記者再致電許家長子許冠文，其太太代答：「許老太好咗好多啦！依家日日可以鬧人，即係好番好多啦，睇怕過幾日就可以出院啦，老人家仲有氣有力鬧人係好事嚟o架！（點解揀將軍澳醫院？）近囉！（唔見阿Sam去醫院探嘅？）佢好似係話要練歌，準備開演唱會，所以唔嚟得啩！奶奶都冇事啦，有琳寶去到咪得囉！」有老婆照顧阿媽，難怪阿Sam可以專心準備個唱。
豬籠入水
歌神許冠傑92年宣布退休，至04年復出，短短四年多便開了近七十場演唱會，保守估計賺了近六千萬港元，難怪他能養全家外，亦豪氣買名車、大屋。不過阿Sam復出後幾乎未停過公開演唱，新鮮感欠奉，下月舉行的紅館個唱，阿Sam又拒絕宣傳，至今銷情一般。
懷欣懷谷興趣當飯食
許冠傑大仔懷欣與細仔懷谷同樣得自父親的音樂真傳，但唱歌對兩子來說只能當成是個人興趣，多年來收入有限，不能用來搵食，好在有個識得搵錢的歌神老竇照住。

許懷欣（職業：自由歌手）
今年9月3日便滿33歲的許懷欣（Ryan），曾於06年8月加盟金牌娛樂唱片公司，推出唱片《開竅》，其後因接受不了宣傳活動而改做自由歌手。他不走父親許冠傑親民的歌手舊路，改做搖滾歌手，他將於10月推出EP。

許懷谷（職業：歌手、導演）
今年31歲的許懷谷，喜歡手執攝影機拍攝短片，也間中會聯同兄長懷欣及父親許冠傑演出。懷谷天性樂觀，經常把自己所拍的短片、圖片，放上個人網站與同好分享。                

近日有指阿Sam肥腫難分兼體弱多病，但當日現場所見，他狀態不俗，上樓梯頗輕盈。

8月11日　歌神練歌
距離演唱會不足一個月，阿Sam積極為個唱綵排。8月11日下午2時許，記者發現一身運動裝束，擔住支雪茄的Sam，駕駛寶馬座駕到大埔band房練歌。

8月15日
許母入住將軍澳醫院（右圖），連日來，許家上下都輪流探病。這天許冠文與Sam太太琳寶在病房逗留近1小時，離去時許冠文還拿着醫院文件研究一番。

將軍澳醫院

許冠文

之後琳寶才駕駛其至愛的藍色豹紋mini cooper返回康樂園。

8月17日
晚上6時許，琳寶帶住大仔許懷欣到醫院，兩人逗留近1小時後才離開，離開時不忘以酒精搓手液消毒雙手。

8月18日
許家二子冠武本身與許母同住，近日他亦經常到醫院探病。8月1８日晚上7時許，他和琳寶（中）更在病房外就許母病情傾談良久。

99年許冠傑一家與許母三代同堂合照。

8月11日
歌神在大埔練完歌，便與老婆到萃華酒家晚飯，臨別時兩公婆咀咗一啖，阿Sam慳家地拎住兩盒外賣回家，只由琳寶去醫院探望母親。

歌神臨走俾40蚊個泊車職員做貼士。



7月26日
許冠英由旺角坐火車去大埔火車站等琳寶接他去阿Sam的band房，據知他今次在阿Sam個唱亦有份演出。

懷谷（左）跟住老竇阿Sam上大埔band房練歌。

8月18日
本周二歌神老婆琳寶與親友探完許老太離開將軍澳醫院時，發現有記者拍照，尖叫兼用口罩遮面。

肥安

愈有錢愈不孝